Sadurunge titiang nglanturang daging
swadarmaning para yowana ring pengajah
tri hita karana sajeroning
ngerahajegan jagat Bali.
lugrayang dumun titiang nunas panugran Ida Sang Hyang Widhi Wasa, melarapan
antuk ngaturan pangastunkara pangan jali umat :
OM SWASTYASTU
v Titiang ngaturang suksemaning manah majeng ring pengenter acara
antuk galah sane kapice ring titiang .
v Manggala lan angga nayaka panureksa pacentok mapidarta mabasa Bali sane taler wangiang titiang.
v Ida dane sareng sami sane sampun ledang ngerauhin ring genahe puniki
sane taler wangiang titiang .
Ida dane sareng
sami , mawit saking sampun kawedarang pacang kawentenan pacentok pidarta
maabasa Bali. Sampun rumaksa nudut parimanah
titiang pacing ngawiletan acara inucap, yadiastun titiang nenten ja anter
mabasa Bali. Dwaning rumaksa minakadi wong Bali, wantah patut pisan mikukuhin keajegan budaya
druwene pamekas basa lan sastra Baline, sane sampun ketami saking riin olih
para leluhure. Kawentenan sekadi puniki kaanggen geguat antuk para yowana
pacang nincapang pangeweruh sajeroning
ngerahajegan utawi nglanturan kahuripan .
Lianan
ring punika, iraga sareng sami patut ngemban, miara kabecikan utawi keasrian
jagat Baline, madasar antuk ngajegan pengajah “ TRI HITA KARANA”.
TRI teges ipun tiga, HITA teges
ipun adung utawi “selaras”, harmonis KARANA teges ipun krana ( penyebab ). Dadosnyane “TRI HITA KARANA” tetiga sane
ngranayang iraga adung utawi selaras harmonis sajeroning kahuripan. Adung
punika kakawitan ring kaluarga, masyarakat, miwah paiketan imanusa sareng
palemahan utawi lingkungan.Yening imanusa utawi iraga sareng sami teleb
ngaturan sembah, ngaturan Yadnya, mecikan pelinggih punika pinaka cihna sampun urati sajeroning pangeweruh
PARHYANGAN.
Yening imanusa utawi iraga sareng sami sajeroning kahuripan nganutin
pangajah tatwamasi, saling singgih utawi saling hormat - menghormati pantaraning
kahuripan dados manusa, punika pinaka swatejan saking PAWONGAN.Sapasira ugi
sane presida nyarengin miara palemahan, nenten ngawag – ngawag ngutang
luu, nenten ngawag – ngawag ngebah taru punika pastika manut sasananing widang PALEMAHAN.
Ida dane sareng sami, TRI HITA KARANA pinaka dasar wewangunan
lan kelestarian jagat Bali.Mawinan kautaman TRI HITA KARANA punika, nenten ja dados icalan ring swadarman
imanusa utawi iraga sareng sami, yening sampun punika, janten sampun pacang sida Ajeg jagate pamekas jagat
Baline puniki.
Maka sami punika sesuluh ring ajeng
pinaka sarana pengajah TRI HITA KARANA sane
patut incepang sareng sami, pamekas oleh para yowana sawitran titiang sane
pacang nampi lan ngelanturan mikukuhin ngelestariang keajegan jagate,
pamekasnyane jagat Bali puniki.
Lihat Juga :
No comments:
Post a Comment